ឯករាជ្យភាព​ឌីជីថល​ជួប​ហានិភ័យ​៖ ទីតាំង​សំខាន់ៗ​របស់​កម្ពុជា រង​ការវាយប្រហារ​លើ Google Maps

​ភ្នំពេញ៖ របាយការណ៍​ការស៊ើបអង្កេត​មួយ​ដោយ​សហគមន៍មគ្គុទេសក៍កម្ពុជា​ ​Cambodia Local Guides ​បាន​រកឃើញ​យុទ្ធនាការ​គំរាមកំហែង​ជា​ប្រព័ន្ធ​លើ Google Maps ដោយ​លាតត្រដាង​ពី​ទីតាំង​និង​សំណេរ​ក្លែងក្លាយ​រាប់រយ​ផ្ដោត​​លើ​គោលដៅ​​វប្បធម៌ និង​តំបន់​ទេសចរណ៍​របស់​កម្ពុជា​។ ការវាយប្រហារ​ឌីជីថល​នេះ កើតមាន​ជាពិសេស​នៅតាម​បណ្ដោយ​ព្រំដែន​កម្ពុជា​-​ថៃ ដោយ ៦០ភាគរយ​នៃ​ករណី​រំលោភបំពាន​កើតឡើង​នៅក្នុង​ខេត្ត​ជាប់​ព្រំដែន ហើយ​ភាគច្រើន​ប្រើប្រាស់​ភាសា​ថៃ​។​